Vetëm 24 orë pas fitores ndaj Flamurtarit në transfertë, ekipi është rikthyer në Korçë dhe menjëherë ka zbritur në fushë duke nisur zyrtarisht përgatitjet për takimin e radhës ndaj Kamzës.
Fillimisht nën drejtimin e stafit teknik me në krye trajnerin Daja, ekipi ka zhvilluar një analizë për takimin e djeshmëm dhe më pas i është drejtuar fushës stërvitore me bar natyral.
Ekipi është stërvitur sot me 2 grupe. Pjesa e lojtarëve të cilët e nisen si titullarë ndaj Flamurtarit zhvilluan një seancë rikuperuese nën kujdesin e stafit mjekësor ndërsa pjesa tjetër zhvilloi një seancë të plotë nën drejtimin e stafit teknik.
GJËNDJA E EKIPIT – “Bruno Dita do të jetë mungesa e vetme ndaj Kamzës. Mesfushori ka pësuar një tërheqje të lehtë në kofshën e djathtë dhe do të jetë i gatshëm për trajnerin pas 6 ditësh. Vlen të theksohet se sot me grupin janë bashkuar kapiteni Orges Shehi dhe Sabjen Lilaj”.
———————
FOTOGALERI
—————————————
Kategoria Superiore / Java 29
KF Skënderbeu – Kamza
14 prill, e shtunë / Ora, 19:00
Stadiumi ‘Skënderbeu’