Ashtu siç edhe ishte parashikuar, ekipi është grumbulluar sot në ‘Tropika Resort’ në Durrës ku do të zhvillohet përgatitjet për ndeshjen e radhës në kampionat ndaj Luftëtarit.
Ekipi ka zbritur në fushë reth orës 12:30, ku nën drejtimin e trajnerit Daja dhe stafit teknik u zhvillua një seancë stërvitore në fushën me bar sintetik.
Trajneri Ilir Daja ka pasur sot në dizpozicion kontigjentin e plotë me përjashtim të Jorgo Pëllumbit i grumbulluar me kombëtaren under19.
SUAD SAHITI – “Mesfushori bardhekuq pësoi një tërheqje miskulore ndaj Besiktas dhe do humbasë ndeshjen e së premtes. Sahiti pasi është konsultuat me stafin mjekësor ka nisur vrapimet dhe pritet të bashkohet me grupin plotësisht në fundjavë.
———————————
Takimi i javës së 17-të ndaj Luftëtarit, do të zhvillohet ditën e premte, 26 janar, ora 14:00 në Gjirokastër.